Page 14 - AWM 21MAART,2016

14 AWEMainta Dialuna, 21 Maart 2016

Minister Paul Croes den su
discurso n’e Arubianonan na

Hulanda

“Boso tur ta
Arubiano pa

semper”

Ban mantene e amor pa boso isla

DIADOMINGO Minister di Asunto Social, Hubentud

y Trabao, drs. Paul Croes tabatin e privilegio y honor di
por tabata presente na Arubadag.
E actividad a celebra den forma grandi e hubileo
importante di nos Status Aparte y Himno y Bandera.
Den nomber di Prome Minister Mike Eman y hunto
cu colega Minister Otmar Oduber, Minister Paul
Croes como Gobierno di Aruba a comparti cu tur e
compatriotanan na Hulanda.

Entre discurso y potretnan, Minister Paul Croes hunto
cu miles di Arubiano y amigonan di Aruba presente den
e facilidad di Broodfabriek na Rijswijk, a sa di disfruta
di tur e cosnan bon di come, bebe, wak, tende y baila di
nos dushi Aruba.
Den su turno na palabra, Minister Paul Croes a expresa
n’e publico presente cu “tanten cu boso keda mantene
e amor pa boso isla y biba segun e balornan cu nos
ta conoci p’e; unda cu boso por ta na mundo, boso ta
conecta directamente cu nos na Aruba. Boso tur ta
Arubiano pa semper! Pabien Arubianonan na Hulanda!
Nos ta stima boso!”

Minister Paul Croes ta gradici Cas di Aruba y Minister
Plenipotenciario, Alfonso Boekhoudt na Hulanda pa tur
esfuerzo haci mescos cu tur miembro di comision, artista,
boluntario y persona cu a asisti y asina engrandece e
Arubadag 2016.