Page 4 - ARUPARKING 27 OCT 2015
P. 4
Aruparking hopi satisfecho cu e bon
recepcion na Expo Cas
on: October 26, 2015In: LocalNo Comments
Print Email
Den fin di siman tras di lomba a tuma lugar e famoso Expo Cas 2015 cual ta wordo organisa tur
aña pa Multi Media International y e biaha aki Aruparking a opta pa participa na esaki. E idea
tras di e participacion aki, tabata mas bien pa ta mas accesibel pa tur hende y di e forma aki por
yega mas cerca di Aruparking pa haya informacion.
Aruparking a pone 2 parkeermeter live den Renaissance Convention Center pa asina un y tur cu
ainda tin duda con pa traha cu nos mashinnan por purba esaki sin mester preocupa cu por haci
fout. Tambe Aruparking a registra tur hende cu yega Expo Cas, mirando cu Casnan.com a paga
parkeo pa tur hende cu a usa e parking lot dilanti Bestuurskantoor. Na momento cu un persona
yega Expo Cas y a duna su parkeervak verbalmente na Aruparking nos a sa di registra esaki pa
asina nan ricibi nan parkeo gratis pa cortesia di casnan.com.
Expo Cas en general a bay hopi bon y mester remarca cu hopi ta esunnan cu a uza e oportunidad
aki pa acerca Aruparking cu pregunta nan y tambe hopi ta esunnan cu a pidi pa siña traha cu e
parkeermeternan. Hende nan cu antes tabata sinti poco duda pa yega na un di e mashinnan por a
purba traha riba e esaki nan pa varios rato y despues a declara cu en berdad e mashin ta facil pa
traha cun’e. E impacto di Aruparking na Expo Cas tabata excelente. A ricibi comentarionan
positivo unda hopi hende den comunidad a comenta cu nan ta contento cu proyecto bisando nos
cu awor si nan ta haya hopi luga di parkeo cada rato cu nan kier bay haci compras den centro di
