Page 31 - 06May2022

DIABIERNA 6 MEI 2022 DIARIO PAGINA 31
Adicto
Ambulante a
haya bati di bate

ORANJESTAD (AAN):
Tabata Diamars anochi
banda di 7:10 pm cu e
conocido Adicto Ambulante
di inicial R. a presenta na
Warda di Polis na Playa,
pa haci entrega di keho di
maltrato cu un arma. Segun
R. a bisa, cu banda di 6:50
pm el a wordo maltrata
cu un bate di baseball den
un cas den Ranchostraat.
Fuera di esey, R. a bisa cu
despues di e maltrato, un
hende a bay cu e tas cu e tin
colga rond di su garganta,
cu ta contene su yabi di cas
y 15 Florin.
Polis a mira cu e lomba
di R. ta hopi hincha di e
golpi, pero toch e no kier
ricibi asistencia medico.
E ora Polis a sali rumbo
pa Ranchostraat pa check
si nan por topa cu e dos
personanan cu a bati’e cu
e bate di baseball, pero
nada. Polis a splica R., cu e
por acudi na Recherche pa
entrega keho di maltrato.