Page 12 - AM210612

12 AWEMainta Diasabra, 12 Juni 2021

Instituto Pedagogico Arubano cu exitoso

foro politico 2021: Enseñansa den siglo 21

A bira un tradicion di cada 4 aña di IPA pa organisa un
foro politico prome cu eleccion di Parlamento. E meta

di e foro aki ta pa duna cada representante di partido e

oportunidad pa comparti su vision encuanto desaroyo di
enseñansa den siglo 21. Alabes p’e comunidad di IPA y

tur partners den enseñansa haya sa kico t’e plannan cu
e partido tin pa loke ta trata enseñansa en general.

Durante e prome tanda a haci diferente pregunta re-
laciona cu enseñansa entre otro: Enseñansa den si-

glo 21, Scol Arubano Multilingual, PEN2030, Infra-

structura y Movecion y Salud. E preguntanan haci, ta
preguntanan acumula di IPA su propio studiante- y

docentenan.

A opta pa uza durante e foro politico diferente forma di-

dactico cu e docentenan ta uza na IPA. Di e manera aki
e representantenan por experiencia e uzo di forma di

traha activo cu IPA ta promove bou di su studiantenan.

E foro a inicia cu un icebreaker na unda pa medio di e
programa Kahoot e representantenan por a participa na

un quiz basa riba preparacion cu nan a haci riba tereno
di enseñansa. Di e forma aki e representantenan por a

relaha y aclamatisa un poco prome cu e foro cuminsa.

E foro mes tabata consisti di tres tanda.
Siñamento den siglo 21 ta rekeri cierto habilidad Al-

gun di e habilidadnan aki ta, entre otro: Pensamento
critico, creatividad, comunicacion y colaboracion. Nos

muchanan tin cu siña traha hunto, comunica y colab-

ora pa bin cu solucion creativo. Esaki tambe ta esen-
cial pa bon gobernacion. P’e motibo aki den tanda dos

a scoge p’e forma didactico siña di forma colaborativo

(samenwerkend leren). A agrupa e representantenan
a base di tira lot. Esnan cu tin e mesun number a for-

ma un coalicion. E coalicionnan cu a keda forma ta:
Grupo 1 RAIZ, MAS, PPA y PP., grupo 2 ACCION21,

UPP, MEP y AVP., grupo 3 CURPA, RED, POR Y

HTC. >