Page 21 - HOH

Ohala ora cu Departamento di Salud Publico habri bek, un bon conseho di parti di
DIARIO ta pa acudi pa haya e vacuna contra influenza. Y mas ainda si ta trata di
personanan cu malesa cronico, y mucha cu sa haya griep constantemente.

Si nan no ta alergico na webo no tin motibo pa tin temor pasobra e vacuna ta yuda
hopi. Tin famianan pa kendenan e vacuna aki, cada aña ta un habito sagrado caba. E
vacuna cada bez ta wordo adapta pa e tiponan nobo di virus di influenza cu tin ta
circula.

Corda cu Aruba ta un isla turistico. Ta secreto publico cu hopi malesa contagioso tambe
ta bishitante na Aruba ta trece nan di afo. Pesey den varios hotel cu ta stimula nan
personal pa haya e vacuna, aunke claro e no ta obligatorio.

Tin diferente version rond cu ta crea miedo pa haya e vacuna, pero realmente e ta
traha bon si e persona no ta alergico na webo. Ta conoci cu e mercado farmaceutico
internacional a traha caba un vacuna antiviral cu no ta traha a base di webo. Por puntra

kizas sin na Aruba nan tine tambe.

Pero cu e vacuna ta bon, sigur e ta bon y ta proteha cantidad di nos hendenan cu si ta
tume contra e tipo di influenza pisa cu tin rond afectando nos pueblo, grandi y chikito,

y mas ainda personanan cu pa un of otro motibo nan sistema immune ta abao ta abao.

Importante pa bisa cu un influenza no bon cuida por degenera den problemanan
pulmonar hopi serio.

Tin hende cu ta bin di afo cu ta bishita Salud Publico puntra pa e vacuna anto nan ta
paga pe tambe. Un bon ehemplo pa nos mes hendenan. Personanan di 60 plus no
mester di verwijsbrief, solamente presenta nan carchi di AZV! Ainda ora aña bolter y e

schedulenan laboral cuminza atrobe, ta na bon tempo pa haya e vacuna pa e tin su
efecto pa resto di aña te su siguiente version. Semper ta miho preveni cu lamenta!!!!

https://www.diario.aw/2019/12/no-keda-sin-busca-e-vacuna-contra-influenza/