Page 28 - HOH

Cu e departamento nobo di Gynaecologia, Urgent Care Aruba por ofrece un otro
alternativa di recurso medico di calidad. Un Gynaecoloog ta specialisa den e salud y
enfermedad di e sistema reproductivo di e ser femenino. Tratando diferente problema
entre otro; verloskunde, embarazo, menstruacion, problema di fertilidad, infeccion
transmiti sexualmente, problema hormonal y mas.

Departamento di Gynaecologia, bou di guia di Dr. Marcela Realpe, lo ta disponibel pa
consulta, test di screening di boca di matriz (Barmoederhalskanker), Ultrasonido
Ginecologico y obstretico, PAP test, Echo di e pelvis, implante subdremal
anticonceptivo, y mas. Dr. Marcela Realpe ta un Gynaecoloog registra y cu ta cumpli cu
reglamento y protocol estableci pa departamento di DVG y aprobacion di Minister di
Turismo, Salubridad Publico y Deporte, Sr. Dangui Oduber. Pa asina por segura y cumpli
e cu responsabilidadnan den cuido medico.

Crea un relacion medico cu un doctor ta permiti pa un mucha of e ser femenino adulto pa
ta mas comfortabel na haci pregunta ariba tema di menstruacion, sexualidad entre otro, y
ta crea un punto di contacto directo si encaso sintomanan mester tuma lugar den futuro.

E Departamento di Gynaecologia lo habri oficialmente dia 2 di Januari 2020, y lo conta
cu cita ariba e mesun dia of siguiente dia. Desde awe ta posibel pa plania un cita sea
online of simplemente yama na +297 5975549.

Urgent Care Aruba (UCA)

UCA, na Centro Medico Noord, a wordo estableci na 2014. Cu obhetibo principal pa
ofrece atencion medico na henter e comunidad di Aruba, tambe na nos sector turistico. E
servicion cu UCA ta ofrece ta pa pashentnan cu ta sufri di un condicion medico cu no ta
hustifica un bishita na Departamento di Emergencia y no kier warda te su siguiente dia pa
un consulta of un evaluacion.

Actualmente UCA ta conta cu un team multi-disciplinario incluyendo dokter, especialista
medico, huisarts, y enfermera registra cu tin e pashent como prioridad.

Contacto

Pa mas informacion, pregunta, of prijs por comunica na telefon: +297-5860448 of na
email info@urgentcare.aw. Bishita website www.urgentcare.aw of Facebook: Urgent
Care Aruba pa tur informacion y noticia relevante.