Page 10 - Min.On 28 July,2015
P. 10
DIAMARS 28 JULI 2015
Exitoso caminata “Ban conoce nosPAGINA38DIARIO
Matanan di Mangel”
ORANJESTAD (AAN):--- Den fin di siman na Franse Pas a tuma
lugar e caminata “Ban conoce nos Matanan di Mangel”. Esaki
tabata relaciona cu e siman di concientizacion di e matanan di
Mangel. Shahayra Croes di Directie Natuur en Milieu a splica cu
na e caminata a participa mas di 200 famia, kende nan a siña conoce
mas di cuatro sorto di mata di mangel. E caminata tabata tin un
recorido di 2 pa 5 kilometer, cual a wordo guia pa e miembronan di
Stima Aruba y Parke Nacional Arikok, kende nan a prepara nan mes
cu informacion valioso pa asina pasa esaki pa tur e participantenan.
E meta di e caminata tabata pa siña nos comunidad di cuida, proteha
e matanan di mangel y tambe pa mantene e lagoen limpi y no tira
sushi ya cu esaki ta hasi daño na e matanan y na e diferente especie
di parha cu ta biba den e area.
