Page 5 - AB

20 DEPORTE AWEMainta Diamars, 24 Juni 2025

Celebrando dia Olimpico den un ambiente deportivo

IBiSA Kids Run & Olympic Day Celebration 2025 un exito rotundo

TUR aña riba e fecha di 23 di juni,mundialmente
ta celebra e dia Olimpico. Alrededor di e fecha

aki, tur comite Olimpico Nacional y instancianan
deportivo rond di mundo ta organisa eventonan
p’asina celebra e dia special aki, na unda Comite
Olimpico Arubano hunto cu Ibisa y Aruba Bank

ta organisa e “IBiSA Kids Run & Olympic Day
Celebration 2025”.

E aña aki, e celebracion a tuma luga diasabra

dia 21, unda a cera e caminda di Vondellaan por
completo p’asina permiti mas di 750 mucha di
diferente scol y bario di tur nivel participa den e
Ibisa Kids Run.

E careda aki a bay hunto cu e celebracion
Olimpico, unda a reparti certificado, haya opor-
tunidad pa saca potret cu e antorcha y atletanan

Olimpico y mucho mas.

COA ta gradici e IBiSA y Aruba Bank pa un bes
mas ta parti di e celebracion aki y comunidad di

Aruba pa nan tremendo participacion.

Durante IBISA Kids Run 2025

Un dia inolvidabel di deporte y diversion

ARUBA Bank, hunto cu IBISA y COA, ta mira cu orguyo

riba un evento exitoso: IBISA Kids Run 2025. E actividad
deportivo y educativo a uni henter comunidad den un ambi-
ente di alegria y movemento.

Cu mas di 750 participante den categorianan di careda
segun nan edad, e dia a cera un celebracion di energia,
deporte, y union familiar.

Nos ta gradici tur hende cu a yuda pa mantene e evento
sostenibel door di a trece nan mesun boter di awa.
Aruba Bank ta comprometi na apoya actividadnan cu ta
stimula un bida saludabel for di un edad hoben.

Pabien na tur esnan cu a contribui na e exito di e evento aki.