Page 13 - VOS ALEX SCHWENGLE JUNE 17
P. 13
18 AWEMainta Diaranson, 17 Juni 2015
Campeonato Heineken di Aruba
Softball Bond a continua
Aruba Bank Lady
Tigers ta blankea
Tanki Leendert
Pico Bello,
mientras Eagles ta
derota Cheetah
CAMPEONATO Heineken Fast Pitch di Aruba Softball Bond
dedica na baluartenan Marianella Danies y Ramiro Lopez a
continua diadomingo ultimo riba veld di Rockets na Sta Cruz pues
net pariba di Club Trappers.
Den categoria femenino e fuerte equipo di Aruba Bank Lady Tigers
a enfrenta Tanki Leendert Pico Bello y aki Aruba Bank a mustra
nan superioridad fulminando Tanki Leendert mediante un knock
out 13-0.
Aruba Bank 13 careda, 9 hit, 0 error. Tanki Leendert 0 careda, 3
hit, 1 error.
Rudlyn Ras ta bay henter e ruta y ta pone su prome victoria riba
su nomber. Layenne Vos ta resulta pitcher perdedor ricibiendo
relevo di Jeritza Ras den di 4, kende na su turno a wordo releva
pa Rubia Ras den di 5 inning.
Mihor bateadornan pa Aruba Bank Lady Tiger a resulta Meraly
Kootes 2-2, Riangela Flanegin di 3-2 , Mildred Tromp di 2-1 y
Rudlyn Ras di 1-1 cu por cierto tabata un homerun aportando
asina na su propio causa.
Pa Tanki Leendert Pico Bello a destaca na bate Jeritza y Jelitza
Ras y Franzine Flanegin tur di 2-1. Den e di dos wega diadomimgo
den categoria femenino Eagles ta knock out Cheetah 14-2. Gilda
James ta cubri henter e ruta y ta resulta pitcher ganador.
Rachelle Henriquez tambe ta bay complete, pero mester conforma
su mes cu e derota. Mihor bateadornan a resulta Aria James,
Shardea Croes ambos di 2-1, Giandra Thiel di 1-1.
Pa Cheetah a destaca na plato Milvienne Henriquez, Rachelle
Henriquez y Marietjie Kock tur di 2-1.
Diarazon awor campeonato ta continua cu 4 wega riba dos tereno.
Na Pos Chiquito pa 7pm Jaguars Vitamin Water lo enfrenta Cheetah
y pa 9pm Final Touch lo midi forza contra Madwork Blackhawks
y na Kudawecha pa 7pm den categoria AA Pizza Hut Monster lo
topa Mariners y pa 9pm Balashi Premium vs Macuarima Indians.
Diabierna 19 di juni pa 7pm riba veld di Kudawecha, Celebrities
vs Spuiters y pa 9pm Royal Power vs Montaña Braves.
Pues fanaticada di softball campeonato ta continua e siman aki.
Yega tereno bin apoya bo equipo preferi. Softball Fast Pitch a la
carga.
