Page 5 - SOLO 13 FEB

Diabierna Februari 13 2015 Pagina 5

Parlamentario mr. Xiomara Maduro:

Mal gobernacion ta crea inkietud
den Pueblo

Nos a tuma nota cu nos Prome Minister Eman y tambe algun exponente di
AVP ta tilda oposicion di ta treciendo un inkietud den Pueblo. No ta e mensahe
di oposicion, pero e mal
gobernacion di Gabinete
Eman ta locual ta crea
inkietud den Pueblo.

Nos di opocicion for
di basta tempo caba a
bin ta splica e realidad
financiero di nos Pais,
pero e makinaria di
propaganda di Gabinete
Eman pa sconde y
manipula informacion
a stroba e mensahe di
yega na e mayoria di e
Pueblo. Awe despues di
intervencion di Hulanda,
welga di hamber di
nos Promer Minister
y bou di e presion
di e 24 medidanan
di Gabinete Eman,
Pueblo a bira inkieto.
Claro e decepecion
den Gabinete Eman y
Minister Eman ta grandi.
AVP a gana Pueblo su
confianza bisando cu
Gabinete Eman no lo
tuma medida y awor ta
resulta cu no ta un sino
24 medida Mike Eman ta
bin cune.

Pesey Prome Minister
a core skirbi articulo di
prensa bisando cu lo
peor a pasa caba. Pero
tur esnan na tino ta
realiza cu awor a yega e
ora cu Mike Eman ta bay
pone Pueblo paga pa tur
e desastre financiero
cu Gabinete Eman a
haci den apenas 5 aña
di gobernacion. Ta cu
24 medida Eman ta bin
pa masacra e cartera
di Pueblo y esaki ta
motibo di preocupacion
berdadero. Si Gabinete
Eman a goberna na
drechi, nunca mester a
castiga e Pueblo. Ta e
mal gobernacion aki ta
locual ta crea inkietud
den Pueblo di Aruba.