Page 94 - MIN VOS

Tur producto di consumo humano cu drenta via Barcadera of
otro entradanan ta wordo controla

Monday, 10 July 2017 20:57
1

Comparti

Ta haya hopi cos cu ta bin for di Venezuela via barco y tin biaha ta sinti cu tin un free for all cu e
hendenan aki ta bin cu cosnan di come cu nan ta bin.
Manera keshi benta den hemchi, cos con cu ta benta, tur esakinan ta bin riba waf y ta wordo bendi riba
caya. Berdura y fruta tambe.
Salubridad publico ta controla locual cu ta na Barcadera. Segun Yvette Geerman, tur producto cu ta
wordo importa nan ta controla. Barcadera ta un di nan. Tin ta drenta via Aeropuerto, via e cargo
centernan, tur ta wordo controla via nan departamento. Ta purba di supervisa mas tanto cu ta posibel
riba e calidad di cuminda, con e procesonan ta bay, ta controla nan. Semper y cuando ta keda un conseho
di en berdad cu tin ora e productonan no ta bon, pero consehonan di entre otro na e consumidor, na e
pueblo ta, cu ora cu tin fruta y berdura, ora cu cumpr’e y trece bek bo cas, laba e producto eynan bon
prome cu bo ta ward’e den frigidaire. Bo por lab’e, basha awa y binager lage den dje. Haci nan limpi, e
ora abo ta preveni cu si di e proceso prome no tabata e corecto, pero na momento prome cu abo bay
consumi un fruta of un berdura, si b’a haci’e corectamente pa evita e ora cu por tin paracito, bacteria, bo
ta purba di mata nan. Ta conseho como consumidor tambe. Ora bo ta yega bo cas, wak con bo ta warda
bo productonan. Si locual cu ta riba Barcadera, ta wordo controla. Tin ta bin for di Colombia tambe,
segun Geerman.
Loke ta pisca y cabaron tambe ta wordo controla. Na momento cu nan drenta. Tur dia nan ta bay riba waf
y ta controla tur e productonan cu ta drenta e momentonan ey. Si ta pisca y cabaron, ta wordo controla
door di departamento di salubridad publico.
Accion
Tin momento cu tin piscanan cu ta yega, no ta yega na e calidad apto pa consumo humano mas. Ta referi
e momento eynan, manera cu el a deteriora completamente, bo ta haci un keuring organoleptico, esta
visual. Ta controla e pisca eynan, wak si e ta den e calidad pa consumidor y tin momentonan cu en
berdad cu nan no ta asina y ta keur nan af. E ora eynan nan ta wordo distrui riba Parkietenbos.