Page 6 - AHATA

Dialuna 13 di Juni 2022

LOCAL

Ta inevitabel pa gobierno di

Aruba evita un KB pa fin di luna

Cerca hopi hende ta lanta e pregunta si gobierno di
Aruba deliberadamente ta guiando e pais pa perde tur su
autonomia cu tanto el a bringa p’e, of ta simplemente di
mala fe ta hibando un maneho riba cual gobierno di Hulanda
no por haci otro cu interveni, esta tuma tur cos over.

CAft a fada, esaki a bisto den su carta dirigi diabierna
ultimo na Minister Xiomara Maduro, mustrando den forma
contundente, cu si pa dia 24 di Juni venidero gabinete
Wever Croes no cumpli cu conseho y palabracionnan haci
cu Hulanda, CAFT lo recomenda pa Aruba haya un KB.

Esaki lo nifica cu ningun decision practicamente lo wordo
tuma mas den Cocolishi of den Parlamento di Aruba pero
tur decision financiero, decision educacional social, decision
pa loke ta husticia, lo wordo tuma na Den Haag.

E situacion ta algo hopi serio. For di algun tempo caba pero
tanto gabinete Wever Croes I como II, simplemente a dicidi
di hiba su maneho sin tuma na consideracion loke nan mes
a firma cu Hulanda y despues di henter e incidente caminda
a trata di elimina CAft y pone tur control directamente bou
di Parlamento di Aruba, awor e comision aki ta conta cu
sosten di RMR y ta mas poderoso cu nunca.

Mientras cu Minister di Finansa na varios ocasion a mustra
cu CAft kier sinta riba stoel di gobierno, ta un hecho cu e
comision di supervision financiero realmente ta sinta riba
stoel di gobierno ya cu gabinete Wever Croes mes a delega
e poder aki pa Den Haag, cual poder a bira asina mas grandi
ora cu den e pandemia Aruba a wordo confronta c’un crisis
economico y financiero hopi serio.

E carta di diabierna ultimo, ta simplemente un recordatorio
di loke lo bay pasa aki dos siman ya cu ta dificil pa kere cu
Minister Maduro y su gobierno, lo por yega na cumpli cu e
consehonan cu CAft a duna relaciona cu presupuesto 2022
pa e fecha di 24 di Juni venidero.

Minister di Finansa tin cu move bastante miyon for di
presupuesto y tambe acerca e tin cu pone varios miyon bek
den e presupuesto cu nan a kita ora cu a formula esaki pero
ta cambionan cu CAft a adverti pa no ehecuta esakinan pero
cu tog a wordo ehecuta.

3