Page 38 - MIN ECEM

8 AWEMainta Diamars, 26 September 2017

Gobernador suplente di Aruba ta orguyoso cu

E mision humanitario ehecuta pa marinier

Arubano na islanan afecta pa horcan Irma

GOBERNADOR suplente, S. E. sra. Yvonne
Lacle-Dirksz a bishita e miembronan di marinier
y Arumil cu a asisti prome, durante y despues di e
pasada di horcan Irma na Sint Maarten, Saba y Sint
Eustatius. E bishita a tuma lugar diamars, 19 di sep-
tember, na Marinierskazerne Savaneta.

Durante su bishita, sra. Lacle-Dirksz a wordo informa
detayadamente tocante e mision humanitario cu a
ser ehecuta y a hiba un discurso corto expresando su
orguyo y gratitud rib’e forma excelente cu e miem-
bronan di marinier Arubano a brinda yudansa, hunto
cu demas ayudantenan den nos Reino.

Despues di su discurso, sra. Lacle-Dirksz a combersa
informalmente cu cada un tocante nan experiencia
– tin biaha emocional y intenso – durante e mision.