Page 5 - DIMP

Departamento Di Impuesto Ta Constata Cu Tin Masha

Automobilista Cu No A Cumpli Cu Pago Di Nan

Number Di Auto Pa 2019 Y Asina Tin Mas, Manera

Taxista, Trucknan Di Diesel, Bromer Y V-Cars

 Local
- 20/10/2019

Aworaki nos ta na mediano di luna di october y asina mes, tin masha automobilista no a
cumpli cu pago di nan number di auto. Meverly Romano, vocero di Departamento di
Impuesto, a splica un tiki riba e comportacion di pago pa cu numbernan di auto.

E automobilistanan mester por sa, cu nan tin cu cumpli cu e obligacion aki. E belasting
mester ta paga completamente, pero segun e cifranan di DIMP tin un total aworaki di
73.648 number registra paga of 84% cu a cumpli cu e ley di belasting di vehiculo di
motor

Pero tin un 13% cu no a cumpli mes, cu ta como 11.097 number, cu ta un cantidad basta
alto. E fecha final pa haci pago di dos mitar tabata na juli ultimo y awor nos ta mas aleu.

E personanan cu falta pa paga number di vehiculo di motor ya caba a haya cobransa
adicional caba, ms 50% di boet. E multa aki no tabata necesario segun Meverly Romano.
E cos aki no tabatin mester si e persona a cumpli na tempo. Y corda si e pago di 2019 no
ta haci, mester haci esaki prome cu e pago di 2020.

Categoria A t’esun cu mas ta resalta. Tin 3682 number cu tin mitar aña so paga, pero tin
6077 number cu no tin paga mes haci den categoria A.