Page 46 - DVG

Gobierno no a anuncia nan edad, ni tampoco a menciona ki dia exactamente nan a
yega Aruba via Aeropuerto.

Premier Wever-Croes sinembargo a agrega cu tur dos ta den isolacion, pero nan ta den

bon estado di salud. Pues ta parce cu e malesa ta bayendo, y uno casi no tin sintoma
mas. E otro tin djis un tosamento ainda, nan lo por ta kizas ‘cla pa bay cas’.

Toch tur dos ta den isolacion ainda. Conforme protocol, e testnan tin di bay Hulanda

unda RIVM ta verifica nan.

DIARIO ta haya raro cu Aruba no a menciona e edadnan, y tampoco a menciona cua
fecha exacto nan a regresa Aruba, ni cu cua aerolinea. Pasobra tur e otro islanan den

Caribe ora di a anuncia nan prome casonan di Coronavirus, a percura pa inclui tur e
detayenan aki.

Aruba a prefera di no menciona nan nomber, ni nan edad, ni nan itinerario di vuelo, ni

menciona nomber di Hotel ni tampoco den cua distrito e pashent ta biba.

Pero pa awor, Departamento di DVG ta den proceso di trace tur e personanan cu e dos
pashentnan aki tabatin contacto cune desde nan regreso. Check tur lugar, restaurant,

of negoshi cu nan a bishita, y tambe entrevista nan y puntra nan ki sintoma nan tabatin
ora di yega Aruba.

Algo si sigur, ta cu e General Manager di e Hotel a wordo informa, y aki e tin di bay

check tur esnan cu kizas tabatin contacto cu e turista aki, incluyendo Housekeepers,
Waiters, Front Desk.

Contrario na WEB Aruba NV, na e Hotel e ta bira tiki mas complica, pasobra kizas

tabatin un grupo grandi cu por tabatin contacto cune. Pero si e empleadonan di Hotel a
practica e tipnan di seguridad di hopi tempo caba (laba man, no pasa man na cara,
etc.) tin chens cu bo a blokea e virus exitosamente di drenta bo curpa.

E lista di contacto awor ta bira uno cu ta tarea di e General Manager. Gobierno di
Aruba tin un acuerdo via ATA cu nan mester duna e ora, e lista di nomber di posible
contact-persons, y asina pone e hendenan aki den cuarentena. Si nan no tin sintoma,
no ta test nan ainda.