Page 4 - MIN VOS

Sr. Bikker a bisa cu na final di dia, e ta un Rand Wet. Pues un ley poni riba
decretonan unda bo ta yena articulonan especifico, p. e. pa loke ta trata e
reconocemento di diploma di nos studiantenan cu a studia den region mester bin
un decreto pa duna contenido na e ley akinan.

E decretonan aki ta existi caba. Nos leynan grandemente ta basa riba leynan di
Hulanda, dus practicamente copy paste djis ta duna un toke local na dj’e.

Sr. Bikker a bisa cu e no sa cu cual experto e Minister a consulta cu ne, pero en
todo caso e no ta cuadra cu realidad, y manera su colega Otmar a bisa si tin
boluntad den poco tempo bo por logra hopi. Si e Minister no sa con pa hacie e ta
reconoce cu e ta incapacita. POR si sa con pa hacie.