Page 86 - MIN VOS

Dangui Oduber: E conseho di Raad van Advies riba e
cambionan di e kiesverordening a yega Parlamento di Aruba!

Wednesday, 10 May 2017 21:04
Comparti

Manera ta conoci parlamentario miembro di fraccion di MEP Sr Dangui Oduber a entrega un ley di iniciativa
caminda ta propone pa trece cambio den e kiesverordening.
Pa decadanan largo e kiesverordening no a wordo cambia y adapta y a yega e momento promer cu eleccion 2017 pa
esaki wordo cambia. Como politico nos mester duna oido na deseo di pueblo y e pueblo ta anhela cambionan di e
kiesverordening. Na e momentonan aki un representante di pueblo ta wordo escohi por medio di voorkeurstemmen
of por medio di su number riba lista politico. E ley aki no ta uno husto y tampoco ta refleha deseo di pueblo den e
cas di pueblo. E cambionan ta ensera cu e politico cu ta aparece riba un lista politico cu saca asiento dia 22
september cu haya mas voto ta bin na remarke pa drenta Parlamento di Aruba. Es decir, si e ley aki bira un realidad
esnan cu mas voto ta drenta parlamento y no manera ta e caso awor aki cu ta a base di sequencia di number ta
drenta parlamento di Aruba.
E ley aki a wordo entrega dia 29 maart 2017 cu tur intencion pa e drenta na vigor despues di eleccion dia 22
september 2017. Una vez cu e ley aki a wordo entrega pa Sr Dangui Oduber na presidente di parlamento, e proceso
a cuminsa cana su caminda y e ley a wordo manda pa Raad van Advies pa nan dunan nan consehonan y haci nan
preguntanan referente e ley aki. Dia 10 di mei 2017 e conseho di Raad van Advies a drenta Parlamento. Raad van
Advies a trece varios punto dilanti cu lo mester wordo contesta pa Sr Dangui Oduber y Sra Evelyne Wever Croes.
Raad van Advies tawata positivo riba e concepto di ley aki. Raad van Advies ta di acuerdo cu e meta y contenido
di e cambionan di e ley.
Na e momentonan aki nos a cuminsa prepara tur e contestanan pa Raad van Advies pa asina pa otro siman caba
tur punto di Raad van Advies wordo atendi. Nos deseo ta pa presidente di parlanento yama e reunion aki y pa nos
yega na un votacion pa pueblo por huzga kende merece su confianza.
E cambio di e kiesverordening ta algo cu mester wordo haci pa e por ta representativo pa deseo di pueblo. Mi no
ta kere cu por tin un politico of un miembro di parlamento cu por ta CONTRA deseo di pueblo y CONTRA e
cambionan aki.