Page 40 - Djaluna 21 mei 2018.pdf

40 Djaluna 21 Mei 2018
Dos herido den

aksidente serio

KRALENDIJK.- Alrededor di 9.20 or di ayera nochi un aksidente entre un pikòp i un
outo di famia a tuma lugá na altura di Sabana Piedra Krus, riba e kaminda pa bai
Rincon. Shofùr di ámbos vehíkulo a keda heridá. Diferente unidat di polis, Brantwer
i dos ambulans a akudí na e sitio di aksidente. Shofùr di e outo di famia a keda pegá
den e outo Chevrolet Sparks i ku ayudo di personal di brantwer a sak’é for di e outo.
Ambulans a transportá ámbos víktima pa hospital pa tratamentu médiko. Ainda no ta
konosí kon e aksidente a tuma lugá presis. Polis no a indiká kon grave e heridonan ta. aviso@extra.cw