Page 2 - AB
P. 2
Diabierna, 22 November 2024 AWEMainta COMUNIDAD 35
Aruba Bank a comparti informacion
valioso cu studiantenan di Ceque College
ARUBA Bank recientemente a forma di un charla na Ceque
College Mavo pa por duna informacion educativo y valioso
na studiantenan di segundo y tercer klas.
Dirigi pa representantenan di Aruba Bank, Janine Maduro
y Jene van der Biezen, a presenta un les interesante riba e
importancia di logra e balans den spaar y con pa haci uzo di
nan placa na un manera sabi.
E charla a ser diseña pa sembra habilidadnan finan-
ciero fundamental den e studiantenan, stimulando nan pa
compronde e balor di manehamento di placa na un manera
eficiente.
Cu e iniciativa aki, Aruba Bank y Ceque College Mavo tin
como meta di duna e studiantenan conocemento practico
cu ta promove e desaroyo den nan conocemento financiero
for di un edad hoben, preparando nan pa un base fuerte pa
futuro.
Nos ta sinti nos orguyoso pa por a traha hunto cu Ceque
College Mavo p’asina por a brinda sosten na nan mision di
prepara studiantenan pa un futuro financieramente respon-
sabel.
