Page 13 - MIN TTC JAN 28,2016

AWEMainta Diahuebs, 28 Januari 2016 27
Hopi bishitante contento riba
Dia di Betico na Museo Arkeologico
DESDE cu Museo Arkeologico
Aruba (AMA) a habri su porta
pa publico na Schelpstraat 42,
a sigui cu e tradicion pa habri
riba Dia di Betico, brindando co-
munidad di Aruba un dushi rato
bishitando nos Museo cu amigo y
famia y asina haya sa mas di nos
cultura indigena.
E aña aki atrobe a ricibi hopi
bishitante, grandi y chikito, lo-
cal como turista, cu a disfruta
di nos exposicion interactivo y
innovativo.
Pan boyo y awa di lamunchi
Special p’e celebracion di Dia di
Betico, Museo Arkeologico a treat
su bishitantenan un dushi pida
pan boyo y un awa di lamunchi.
Bishitantenan a disfruta di esaki
y a keda conbersa un rato cu otro
na mesa den e espacio di Museo
conoci como “ex-fruteria”.
Competencia di ‘photoframe’
Ya a drenta varios potret hopi
leuk di e competencia di ‘photo-
frame’ cu Museo a tene riba Dia
di Betico. Bishitantenan cu tabata
desea di participa, a ‘pose’ na
nan espacio faborito den Museo
y a ‘post’ e potret rib’e pagina di
Facebook, ArcheoAruba. E potret
cu mas ‘likes’ riba diabierna dia 5
di februari pa 12’or di merdia ta
gana un expedicion arkeologico
bou guia di un experto den arkeo-
logia.
Nos a compronde cu riba Dia di
Betico no tur persona a logra ‘up-
load’ nan ‘photoframe’. Esnan cu
tin problema pa ‘tag’, ‘comment’
of ‘share’ nan potret rib’e pagina
di Facebook ArcheoAruba por
manda nos nan potret cu nan in-
formacion di contacto via email
info@namaruba.org prome cu
dialuna dia 1 di februari binidero
y nos mes lo ‘post’ esaki.
Orario di Museo
Museo Arkeologico ta habri tur
diasabra y diadomingo di 10’or di
mainta pa 2’or di atardi pa esnan
cu no por bishita nos den siman.
Diamars te cu diabierna Museo ta
habri di 10’or di mainta pa 5’or di
atardi. Dialuna salanan di exposi-
cion ta cera pa mantencion.