Page 8 - MIN TTC 9 DEC 2015

Otmar Oduber: Nos ta sigui inverti den embeyecemento di nos
beachnan
Tuesday, 08 December 2015 19:02
Comparti

Dialuna mainta Minister Otmar Oduber orguyosamente a presenta e proyecto di Surfside cu awor ta conta
cu un infrastructura amplia di parkeo y cu tur e facilidadnan necesario pa tur su usuarionan.
Un inversion di casi 2 miyon Florin y a anuncia mas proyectonan na caminda. DOW diabierna ultimo a
tene e destaho pa locual ta bira e proyecto di Noord Cura Cabay y Zeewijk, un otro inversion di 2.5 miyon
Florin. 2016 lo habri cu un otro proyecto mas cu lo beneficia henter e area y Aruba lo conta cu un beach
mas cu tur su facilidadnan necesario y ta inclui tambe un ampliacion di pier. E mandatario ta comenta:
"Ta lanta e pregunta di dicon Gobierno ta inverti y concentra den e area di beach? Manera ya ma
menciona nos ta ricibi pa aña practicamente 1.8 miyon turista na Aruba y ta importante pa crea
infrastructura pa por cumpli cu e demanda di e cantidad di bishitantenan cu nos ta ricibi." E fondonan ta
financia pa entre otro Fondo Desaroyo Arubano den combinacion cu oficina di turismo y tambe for di e
fondo TPEF cu ta percura pa mehoracion di Producto Aruba. Intencion ta pa continua tambe na Baby
Beach cu mas facilidad, dependiendo e desaroyo di e negociacionnan pa cu e refineria, pero lo enfoca
tambe riba Rogers Beach. Minister Oduber ta sigui bisa: "Na Roger Beach nos tin compromiso pa cierto
piernan wordo renoba, tin 2 proyecto di piscadonan cu ta den proceso na e momentonan aki. Un di nan ta
e pier na Zeewijk cu ta inicia na comienso di aña y tambe un na e pier di Rancho cu tambe lo ricibi un
ampliacion cu su facilidadnan hunto cu Hadicurari y Santa Rosa cu ta forma parti di e ekipo cu ta
desaroya e plan aki."

http://www.24ora.com/local-mainmenu-5/102985-otmar-oduber-nos-ta-sigui-inverti-den-
embeyecemento-di-nos-beachnan-