Page 7 - ARUBA BANK
P. 7
ORANJESTAD (AAN): Parlamentario Setty Christiaans-Yarzagaray a tuma nota cu CAft
recientemente a manda un carta pa gobierno di Aruba tocante jaarrekeningen di 2016
te cu 2018.
Den e carta aki CAft ta indica cu manera ta stipula den e ley di LAft di e tempo ey y
segun protocol firma entre gobierno di Aruba y CAFT, pa 31 di augustus di cada aña
gobierno mester entrega su cuenta anual di e aña anterior na CAft. Minister di Finansas
y Asuntonan Economico y Cultura y tambe Minister President a trece e punto aki tambe
caba na atencion di Parlamento.
Parlamentario Setty Christiaans-Yarzagaray tin atencion pa esaki mirando cu ta
Parlamento mes a desaproba e cuentanan anual di 2016. Logicamente ta trahando na
un solucion pa asina tanto jaarrekening di 2016 y 2017 wordo trata pronto. Ta bon pa
remarca e motibonan pakico e tempo ey fraccion di MEP, pues tambe su persona no por
a aproba esaki. Ta trata aki di, entre otro, un suma di algo mas cu 10 miyon florin cu a
wordo gasta surpasando e placa cu Parlamento e tempo ey a duna autorisacion na
gobierno di AVP pa gasta.
Segun Parlamentario Setty Christiaans-Yarzagaray no a haya un overzicht cla di kico tur
e 10.2 miyon aki ta trata. Por a tuma nota si cu casi 2 miyon a bay na paga overtime di
cuerpo uniforma pero e otro postnan tawata riba un nivel di hoofdkostenposten. Pues di
banda di fraccion di MEP a pidi si por a ricibi un splicacion mas amplio prome cu por
duna aprobacion. Tur esaki nan por a constata tambe den rapport di investigacion di
Algemene Rekenkamer.
Mester bisa si tambe cu ademas cu tin mas cu 10 miyon gasta sin por haya miho
claridad, fraccion di MEP a desaproba e cuenta anual di 2016 mirando si acaso e placa
gasta extra no tin bon hustificacion, cu ainda e minister di e tempo ey di AVP, mester
para personalmente responsabel pa esaki.
Parlamentario Setty Christiaans-Yarzagaray hunto cu lider di fraccion Rocco Tjon a sinta
cu tanto Minster di Finansas como departamento di Finansas y tambe Departamento di
Legislacion y Asuntonan Huridico (DWJZ) pa palabra un miho solucion pa esaki.
Parlamentario Yarzagaray ta remarca cu tempo el a drenta nobo den Parlamento, e mes
a yega di haci cierto pregunta na por ehempel Raad van Advies riba presupuesto
