Page 25 - BNDIA ARUBA

riba caya Dialuna 9 December 2019
a25

Auto ta cay den greppel riba Avenida Nelson Oduber

ORANJESTAD – Diado-
mingo marduga riba ex
Sasakiweg, awor yama
Avenida Nelson Oduber,
polis di Noord a haya nan
ta hala pa un auto no dal
den nan.

Algun meter leu e auto a cay
den e greppel memey di e
caminda. E chauffeur tabata
core iresponsabel den direc-
cion contrario, casi dal den e
auto di polis y ocasionando
un accidente.

Ora e oficial a bay atende cu
e chauffeur, e lo tabata bou
influencia y a keda deteni. E
auto mes a keda den e grep-
pel cu e awa te ora cu un
hende logra di sak’e p’e.

Chauffeur bou influencia ta causa accidente na Playa

ORANJESTAD – Net riba
Dominicanessenstraat na
Playa diabierna anochi,
un chauffeur den un Nis-
san March a dal tras di un
otro auto, cu consecuen-
cia ambos auto a keda
kibra.

Debi cu e chauffeur di un di
e autonan ta bebi a solicita
polis di trafico, cu a acudi na
e sitio pa tuma dato y a de-
tene e chauffeur pa core bou
influencia di alcohol.
Daño material tabata consid-
erabel.

Homber deteni durante pelea pafo di Dream House Bar

ORANJESTAD – Diasabra marduga pafo di Dream House Bar na Brazil a surgi un
pelea entre algun homber, unda a uza biga pa golpia otro.
Durante e pelea un homber a keda herida, cu corta serio na su curpa. Polis a yega di biaha na
e sitio pa atende cu e situacion, pero e agresor mes a bandona e sitio y e victima a keda atras
herida, pero no tabata desea di asistencia di ambulance.