Page 41 - Min.Sja_Neat

http://www.24ora.com/politica-mainmenu-18/94561-fundacion-autismo-diabierna-anochi-a-celebra-
fashion-for-a-cause

Prome Minister Eman: SVT 7 ta finalisa e prome fase di
training militar

Monday, 27 April 2015 22:25
Comparti

Despues di un siman den partinan noord di nos isla, e 14 hobennan di e di 7 grupo di Formacion Social
(SVT) a marcha drenta Mariniers Kazerne na Savaneta pasando meymey di mayornan y invitadonan di
Arumil banda banda di caminda. Diabierna ultimo e hobennan aki a finalisa e prome fase di e programa
di Formacion Social.

SVT 7, manera e grupo ta wordo yama, ta bira e grupo di mas grandi cu a finalisa e prome fase for di cu e
programa a cuminsa na 2011.

E fase di training militar ta esun di mas dificil y a cuminsa cu 22 hoben y a finalisa cu 14. E grupo aki a
gana asina e derecho di bisti nan baret durante e ceremonia cu a sigui. For di man di Prome Minister
Eman, e motor tras di e programa aki for di su comienso, e hobennan a haya nan baret.
E meta principal di SVT ta pa duna hobennan cu no tin un trabou of no ta na scol, pa reintegra bek den
sociedad, sea bek na scol of den un trabou. E fase cu e hobennan a termina diabierna ultimo ta inclui un
training amplio militar pa asina inculca den e hobennan aki disciplina y dedicacion nan loke nan kier
logra den bida.
Ademas di e baret, e hobennan a haya un certificado cu ta demostra cu nan a finalisa e prome fase, cu
tabata tin un duracion di cuatro luna, di training militar cu exito. Ademas a brinda honor na e hoben
Rosini Ras, kende a destaca den e grupo. “E hobennan a demostra di e forma aki loke cu nan kier logra.
Nos ta spera cu e mayornan ta contento cu esaki tambe,” Oficial Kelly, encarga cu e grupo, a duna di
conoce.
Prome Minister Eman un biaha mas a demostra con orguyoso e ta sinti su mes di a logra introduci e
programa aki cu ayudo di Hulanda y awor a wordo tuma completamente den e presupuesto di Pais
Aruba. “Pa nos e ta un dia hopi grandi. Cada bes cu nos cuminsa e programa nos ta contento y ansioso pa
sa si e hobennan ta logra yega te na final. Semper nos ta pone como meta pa nos keda lucha pa e
hobennan logra yega e punto final. P’esey mi tin un sentido grandi di satisfaccion pa wak awe cu 14 di nos
hoben a duna muestra di determinacion y perseverancia, cu ayudo di Dios, famia y e organisacion cu ta
carga SVT.”