Page 26 - MIN ARENDS

12 AWEMainta Diaranson, 30 Augustus 2017

Fondo Comun Europeo nada contento

cu a basha Bushiri Beach Hotel abao

EEG ta evalua pa demanda Gobierno

SIMAN pasa cu masha fanfaria, Gobierno a dicidi di basha
abao loke nos a conoce como Bushiri Beach Hotel. Pero un di
e stakeholdernan cu no a wordo envolvi den esaki ta Fondo
Comun Europeo, EEG, kendenan a financia e proyecto aki
como un Hotelvakschool, cu sigur a cuminsa masha exitoso
no solamente pa Aruba, pero pa henter region.

Tecnologia a haci mundo masha chiquito y como tal na
Bruselas, sigur nan ta sigui loke ta pasa na Aruba y EEG a
cuestioona con por ta posibel di basha un di nan proyectonan
abao, sin a notifica nan di esaki.
Banda di esey, loke mas a tuma na malo, t’e declaracion di
Alonso Geerman, Presidente di Fundacion Aruba Hospital-
ity and Training Center.

Loke nan a tuma masha na malo y a califica esaki como un
mentira flagrante, ora cu Alonso Geerman a laga sa cu for
di construccion di e hotel, no a cumpli cu ningun regulacion
pa loke ta trata con un edificio pa preveni y prepara pa caso
di candela.
DOW nunca por a aproba construccion di dicho hotel, sin
tin tur cos na ordo, e.o. pa por combati cualkier candela cu
por surgi.

Encuanto e hecho cu Alfredo Lowenstein a haci oferta pa
cumpra e hotel pa 13 miyon florin, pero cu Gobierno di Nel
Oduber a nenga esey, alegando “over my death body”. Un
experto y conocedor di e bay y ven a laga sa cu proximam-
ente nan lo bin cu mas informacion pa bisa tur loke cu a
pasa cu Bushiri Beach Hotel.
Loke ta di lamenta, manera a ser bisa, cu EEG no a ser en-
volvi den plan di Gobierno pa basha un proyecto cu nan a
financia, sin cu Gobierno mester a paga nada bek.