Page 21 - HOH NOV 11,2015

Directiva di hospital ta contento cu lanzamento di ASHA

Publication: Wednesday, 11 November 2015. Categoria: General

ORANJESTAD (AAN): Diamars durante un conferencia di prensa, oficialmente Asociacion di
Specialista Hospital di Aruba (ASHA) a wordo lanza, cu tin entre otro como meta pa mehora e
calidad di cuido medico na hospital di Aruba.
Durante e conferencia di prensa, Ezzard Cilie, director medico di Hospital a duna su
pensamentonan riba lanzamento di e asociacion.
Segun Cilie, directiva di hospital ta contento cu e fundacion aki.
“Ora bo papia di traha hunto y coopera cu otro, nos ta papia hopi biaha di un ‘empresa cu ta
integra medicamente’ (medisch geintegreerd bedrijf)”.
“Un manera pa bo hinca esey den otro ta pa bo tin un grupo asina cu ta trahando cu nos”.
Esaki segun Cilie, kende a sigui bisa cu si mester hasi un escogencia entre papia cu un individuo
of grupo, e escogencia ta cay riba un grupo, representando tur specialismo.
“Directiva ta hopi contento ASHA”.
“Tin cos ta andando y den esey nan ta dunando conseho, pero aworaki nos ta tumando un rumbo
den cual nos kier actua cu nan como partners tambe”.
Esaki segun e director medico, kende a sigui bisa cu si bo kier hasi un medisch geintegreerd
bedrijfnan bo no por hasi cosnan sin cu bo ta scucha e specialistanan cu ta percura pa e trabao
tuma lugar.
“Nos di directiva ta dirigi hospital, pero bo tin mester di e profesionalnan aki, cu ta percura pa e
trabao tuma lugar”, segun Cilie.
http://www.diario.aw/2015/11/directiva-di-hospital-ta-contento-cu-lanzamento-di-asha/