Page 39 - HOSPITAAL

Dos bez pa aña nan expertonan ta bin controla equiponan di fundacion BOB
Aruba y ta duna charla na laborantnan. Un bez den tres aña nan ta ‘visiteer’ e
fundacion cu ta encera un control y evaluacion di calidad riba tur nivel

profesional y di equipo di e fundacion y esaki a sosode aworaki na Januari. Nan
a combina nan biahe entre Fundacion Prevenshon na Corsow y Stichting BOB

Aruba. Dos laborant di Aruba a biaha bai Corsow pa un curso y e expertonan a
bini Aruba pa hunto cu e Radiologonan tambe tene consulta y evaluacion di nan

calidad di trabao.

Na final a duna un presentacion cu resultado preliminario di e maneho di e
sondeo di pueblo dor di St. BOB Aruba y tambe conseho con pa mehora. E
resultadonan preliminario pa St. BOB Aruba a sali hopi positivo y diferente

aspectonan a wordo hasta compara cu Hulanda actualmente, cu tin 30 aña caba
ta haci screening di pecho. E presidente di e comicion di ‘visitatie’, Profesor dr.

Ruud Pijnappel a remarca: “masha impresiona pa e prome resultadonan y e
calidad halto”.

E expertonan cu a bishita Aruba tabata, Profesor dr. R.Pijnappel (CEO) y drs.

F.Jansen (Radiologonan), sra. C.van Landsveld (senior trainer di laborantnan
den sceening) sra. T.Geertse (facilitadora di e proceso di ‘visitatie’), ir. H.Lelivelt
(ingeniero controlado di e hardware) y drs. P.van Kalken CEO di LRCB. Di Aruba

tabata presente drs. V.Williams y drs. V.Loefstop (radiologonan), laborantnan,
C.Hermans, G.Pitt, S.Nooijen, V.Daal y manager Sra. E.Werleman.