Page 27 - ATA

ATA: Crecemento proyecta di 3.6% pa

Norte America y 3% pa Canada

Posted on 08/22/2017 3:25 pm AST | Updated on 08/22/2017 7:46 pm AST

ORANJESTAD – Pa 2018 tin proyecta un crecemento di 3.6% pa Merca y 3.0% pa
Canada, resultando den un cremento di 3.6% pa cu Norte America pa 2018. Claro
esaki ta tene cuenta cu kier atrae esnan cu tin entrada pa por paga un vacacion na
Aruba y por laga mas atras den nos economia. Asina oficina di turismo a laga sa,
den un comunicado relatando nan reunionnan e siman aki na Merca. Tambe ATA a
mencioa cu nan ta pone enfasis tambe riba e segmento di ‘Millennials’, sin lubida e
segmento atractivo y importante di ‘Baby Boomers / Empty Nesters’.

REUNION

E siman aki a tuma luga reunion entre ehecutivonan di Aruba Tourism Authority
(A.T.A.), A.T.A. Norte America y e diferente agencianan y companianan partner di
A.T.A. pa Norte America. Representante y ehecutivonan di varios compania, ente otro e
agencia di database marketing Ansira, agencia di advertising The Concept Farm, agencia
di strategia di media USIM, y e agencia di PR Zimmerman Agency (Everything PR) a
participa den e reunion. Durante e reunionnan aki, presentacion di tur accion y tacticanan
pa e mercado di Norte America pa cu aña 2018 a wordo presenta y evalua.
Preparacionnan lo continua pa asina entre otro comparti esakinan cu sector priva na
september. Accionnan y tacticanan ta sali di strategianan y obhetivonan general cu a
wordo stipula pa Merca y Canada pa otro aña. Awor ta mas bien trahando riba detayenan.