Page 13 - MIN TTC 8jan,2016
P. 13
22 AWEMainta Diabierna, 8 Januari 2016
Dialuna awor:
Fundacion Ateliers ‘89
tin e honor y orguyo di
presenta, den forma di
performance, nos poeta
di cas Wilfred Jansen
TA UN placer pa anuncia cu
dialuna 11 di januari lo tin un
presentacion special bou guia
di Wilfred Jansen y su obranan
na Ateliers ‘89.
Wilfred tabata un alumno activo
na Ateliers ‘89, formando parti
di diferente exposicion di arte
y obranan teatral, miho conoci
pa declamacion di poesia y
obranan performance. Durante
e anochi special aki e audiencia
por presencia un presentacion
alternativo cu elementonan
audio-visual cu lo duna un tiki
di conoce over di e proceso
artistico di Wilfred Jansen y
artistanan contemporaneo cu
a inspira su trabounan actual.
Algun nomber cu por wordo
menciona: Mike Kelly, William
Kentridge, Roman Signer
y Kenneth Anger.
Wilfred su medionan principal
ta performance y animacion/
film, tocando temanan di
transgresion, bareranan fisico
y actual como otro subhetonan
politico cu tin un efecto riba
nos comunidad.
E presentacion lo cuminsa
8’or di anochi den Black Box
di Ateliers ‘89. Fundacion
Ateliers ‘89 ta situa na
Dominicanessenstr. 34, net
patras di hospital bieu.
Pa mas informacion por mail:
elvis@ateliers89.com. Tambe
por yama telefon 588576, of
celular 5654613.
