Page 9 - WEB

Parlamentario Richard Arends Den proximo tres

aña gobierno lo aumenta debe mas di 300 miyon

May 2, 2018

Presupuesto di pais Aruba pa 2018 a keda aproba cu sosten di e tres fraccionnan cu ta sostene gobierno di
coalicion. Fraccion di AVP sinembargo no a sostene esaki pa motibo di su preocupacion grandi relaciona cu
maneho financiero pa e añanan venidero y e hecho cu ningun di e compensacion pa mitiga e perdida di poder
di compra ta hinca aden. Miembro di fraccion di AVP, mr. drs. Richard Arends, ta mustra cu nan a constata

den e presupuesto cu gastonan di gobierno a subi cu 20 miyon y cu esaki lo sigui subi durante e proximo cuater
aña. E defensa di e coalicion cu lo a reduci e gastonan cu 20 miyon tabata un ‘smoke screen’ pa inicia e
reunionan y prome cu e entrega cinco diferente nota di cambio. Di es manera aki tambe a crea un percepcion
robes cerca CAFT.

Entre otro sr Arends a sigui mustra riba un aumento den cantidad di personal cu 100 persona entre januari y
februari 2018 y e cantidad aki ta bay sigui aumenta den proximo lunanan cu ta indicacion cu e maneho
financiero cu gobierno mes a presenta na Parlamento. Gobierno sinembargo no a duna indicacion di e cantidad
di personal nobo te cu mei 2018.

A nota cu durante tratamento di presupuesto cu inversionnan a conoce un aumento substancial di 55 miyon
florin sin cu gobierno y ministernan por a duna un splicacion detaya riba e destino di e inversionnan of sikiera