Page 47 - MIN VOS 13 APRIL 2016

34 AWEMainta Diaranson, 13 April 2016

Aruba Softball
Bond a manda Jair
Thomspon Venezuela
den programa di Alto
Rendimento

DIADOMINGO ultimo, a sali pa Venezuela un prospecto hoben

Jair Thompson kende lo sigui un siman di preparacion intensivo
den un plan di alto rendimento Venezolano.

Endy Croes a firma un contrato di trabow cu Presidente di
Federacion di softball di Venezuela Alfonso Bueno unda pitchernan
prospecto di Aruba por bay pa un siman y asina practica 3 bes pa
dia den un plan total.
Ta conoci cu deporte di softball di Venezuela a desaroya Venezuela
ultimo 10 añanan masha hopi mes y ta den e top 3 mihor di mundo.
Pitchernan manera Ramon Jones, Garcia y Urbaneja a domina riba
nivel mundial.
Mesun elenco cu ta prepara e pitchernan di Venezuela manera
Jesus “Chuna” Chirino x pitcher di seleccion, Profesor Pedro
Vargas (entrenador di alto competencia) Luis Pire (entrenador y
educador fisico).

Jair a wordo ricibi pa presidente di Federacion di Venezuela
diadomingo y mesun dia a inicia cu seccion di entrenamento.

Aruba Softball Bond lo bay busca clasificasion
na october 2017 na Republica
Dominicana pa asina trata
na drenta Juegos Centro
Americano y Del Caribe cual
lo inicia 20 di juli 2018 na
Baranquilla, Colombia.
Pa logra esaki, ASB ta

trahando cu un plan strategico
y un contrato di trabow cu
Venezuela pa prepara nos
pitchernan pa un otro nivel cual
ta di vital importancia pa por ta
competitivo. Despues di Jair lo
sigui manda otro prospectonan
manera Jomark Flanegin y
diferente otro mas.

Un programa cual sigur lo
contruibi pa eleva calidad di
nos pitchernan. Fin di april
dianan 26 pa 30 di april lo bay
tin oportunidad pa mira nos
pitchernan local lansando den
weganan di fogeo aki na Aruba
contra pitcher di Venezuela na Pos
Chikito.
ASB trahando incansabel pa logra e
nivel competitivo y logra pa Aruba
por clasifica.