Page 91 - MIN VOS 13 APRIL 2016

cu lo representa nos dushi isla na e Weganan di Rio 2016. Nos a combersa cu Nicole unda nos a
puntra con el a cuminsa cu e deporte di sailing, ken tur a motiva su persona, kico ta su logronan,
mensahe di su persona na nos hoben deportistanan na Aruba, ect.
Como hoben Nicole tabata fascina cu lama y nabega, esaki door di su tata kende ta un fanatico di
nabega y semper gusta bay riba lama. Na 12 aña Nicole a cuminsa bay riba e boto cu su tata, ela
siña kico ta nabega y asina e interes pa practica e deporte aki a bira grandi cerca su persona. No
cabe duda cu su tata tabata e motivacion di mas grandi, paso e semper e tabata push’e pa Nicole
haci tur cos mas miho cu ta posibel y mas cu tur cos pa sigui su soñonan. Nicole semper a gusta
mira otro atleta cu ta destaca den nan deporte, un inspiracion pa e mes tambe por yega den nan
pasonan. E Weganan Olimpico tabata un soño pe, for di basta tempo e ta anhela cu esaki lo por
pasa. Te hasta ta asina cu na momento cu na aña 2010 e Weganan Olimpico Hubenil a wordo teni
pa prome biaha (esaki tabata na Singapore), Nicole a representa nos pais den e deporte di sailing,
pero e tempo ey den un otro evento, esta windsurf.
E experiencia ey a fortifica cerca Nicole e conviccion cu e kier a bira un di e miho atletanan riba
lama door di traha duro y purba push su mes mas y mas. E actitud aki sigur a duna su frutonan,
pasobra finalmente Nicole a yega na clasifica pa Rio. Su logronan ta excepcional manera un di 7
luga conkista den e 2015 World Championships como tambe un di 10 luga den e 2014 European
Championships, ambos den e disciplina di Nacra 17.
E momento mas memorabel pa Nicole tabata ora el a como e number 7 di mundo y asina tambe a
logra clasifica pa e Weganan Olimpico di Rio 2016. E deporte di sailing a cuminsa crece na Aruba,
un deporte cu sigur no ta barata mirando cu e tin su costo halto cune. Asina mes Nicole ta haya cu e
deporte di sailing merece mas atencion como tambe algun facilidad. Un bon coach pa e atletanan
sin lubida kisas un club unda nan por sinti nan mes comodo y na gusto. Representa Aruba den e
Weganan Olimpico na Augustus venidero ta un gran honor cu a pone Nicole traha mas duro y mas
cu claro e hunto cu su partner Visser kier logra pone un bon resultado.

Su mensahe positivo pa nos hubentud: “Nunca laga un hende demotivabo den bo ambicionnan.
Haci loke ta haci bo felis y asina semper bo lo caba tur cos sientiendo bo mes satisfecho”!

Te asina leu nos comberacion cu e atleta Nicole van der Velden di e deporte di sailing kende lo
defende e colornan di nos bandera durante di e Weganan Olimpico di Rio de Janeiro 2016.