Page 19 - HOSPITAAL

of blanco. E por tin un herida habri cu no kier cura of ta cura solamente temporalmente. E tipo di
cáncer aki por worde cura na tempo.

Carcinoma spinocellualar (CSC) hopi biaha ta surgi manera un mancha cu ta casca of manera un

fret, Esaki tambe por cura bon si e worde detecta y trata na tempo. Den raro caso, si e worde trata, e
por ta mortal.

Melanoma maligno (MM) of melanoma ta e tipo di cáncer di cuero mas peligroso. Hopi biaha e

parce un scupi di dios, di color bruin scur of preto cu rand nan iregular. Tin biaha e tin mas cu color
cu sombranan cora, blauw of blanco. E tipo di cáncer di cuero di aki por surgi na cualquier parti di e
curpa y ora e worde detecta na tempo e por worde cura. Si e worde neglisha, e ta plama den tur e
curpa y por ta fatal.

Efectonan Di Solo

Quemadura Solar: E chens pa bo desaroya un quemadura solar ta mas grandi entre 10’or di mainta
y 4’or atardi, ora cu e rayonan solar ta mas fuerte. Ta mas fácil pa kima ariba un dia cayente, pasobra

cayente ta intensifica e efectonan di e rayonan di sola.

Si cuero worde expone mucho largo na e solo, e lo bira cora. Esaki lo segui aumenta te cu 24 ora
después di exposcion na e solo. Un quemadura solar severo ta ocaciona dolor, cuero ta molestia, e ta

hincha y tin formación di blaar. Sintomanan adicional manera keintura, cala frieuw, biramento di
stoma y confucion ta indica un quemadura solar severo y ta requeri un atención medico di inmediato.
Si bo desa-roya un quemadura solar severo of cuminsa ta haya keintura, bo demar-tologo por sugerí

bo remedi pa reduci hinchamento, dolor y prevéni infección. Desafortunadamente, no ta excisti un
cura liher pa quemadura leve. Compres mucha, baño den badkuip y cierto locionnan por alivia un
poco.

“Bronzeamento”

Tambe yama ”tanning”. Un color di cuero bruin serca un persona blanco hopi biaha ta worde
considera como un señal di bon salud. Dermatologonan sa mihor. Un color brui di e cuero serca un

persona blanco ta mas bien e resultado di daño na e cuero. E color di cuero bruin ta surgi ora cu
rayonan UV drenta den e cuero y cu esaki proteha su mes door di produci mas pigmento marón of
tambe yama melanina.