Page 9 - AHATA
P. 9
4 LOCAL AWEMainta Dialuna, 17 Maart 2025
Nos Tera, Nan Decisionnan
NOS a canta e himno nacional, nos a hisa nos bandera, nos a
lucha pa Status Aparte cu fervor den nos curason. Pero ora nos
mira rond, nos ta sinti realmente e libertad cu nos a exigi?
Pasobra den e edificionan di husticia, den e oficinanan di cuido di
salud, den e rangonan mas halto di maneho – tur caminda nos ta
mira un sombra silencioso. Un man stranhero cu ta skirbi, dicidi,
y dirigi. Nos ta realmente independiente, of nos ta solamente e
actornan den un manual cu ta wordo skirbi otro caminda?
Ken Ta Goberna Nos Realmente?
Nos ta drenta un oficina gubernamental y ta mira con nos
hendenan ta haci e trabou – duro, dedica, habil. Pero mira mas
leu, na e topnan di poder, e posicionnan unda e decisionnan ta Den e salanan di corte, un hues cu un acento Hulandes pisa ta
wordo tuma. Ken ta sinta ey? Ken ta pone e firmannan? Pakico dicta sentencia riba un Arubiano cu conoce e realidad di e isla.
nos propio experticio ta wordo eclipsa bes tras bes door di un Kico un hende di pafo sa di e lucha den nos cayanan, e dolor den
presencia stranhero? nos comunidad? Den e hospitalnan, specialistanan Hulandes ta
tuma e decisionnan. Nos ta realmente incapaz pa cura
nos propio hendenan, pa cuida nos propio pueblo?
Dependencia of Comodidad?
Algun hende lo bisa cu nos no por sin nan. Cu nan
conocemento, nan sistema, nan experticio ta nece-
sario pa mantene Aruba ta draai. Pero si nos keda
semper dependiente, con nos lo por crece realmente?
A pesar di tanto aña di Status Aparte y e hecho cu
Aruba tin expertonan manera hues y specialistanan
medico propio, e pregunta ta keda: pakico ainda nos
no tin suficiente di nos mesun expertonan formulando
maneho? Pakico no ta wordo inverti masalmente den e
siguiente generacion di talentonan Arubano? Of kisas
ta comodidad? Ta mas facil pa depende riba exper-
ticio for di nos madre patria cu pa inverti den talento
propio?
E Pregunta cu Nos Mester Haci
Esaki ta ainda e Aruba cu nos grandinan a soña di
dje? E Aruba unda nos ta dicidi pa nos mes, sin cu un
otro ta mira over di nos schouder? Ta tempo pa haci e
pregunta ey den bos halto. Pasobra libertad no ta sola-
mente un status riba papel. Libertad ta e derecho pa
haci nos propio erornan, pa logra nos propio exitonan,
pa determina nos propio rumbo.
E futuro no ta den nan man, sino den nos man. Nos ta
durf di confia den nos mes, of nos ta keda prisonero
den e sombra di un pasado cu nunca nos a laga bay
realmente?E decision ta den nos man. Pero laga nos
principalmente no lubida kico nos libertad ta bal real-
mente.
