Page 112 - MIN JUS_Neat

E trabao di e trahado di prizon ta hopi pisa. Cu e aspecto di gang, tin cu tene cuenta

cun’e. Ta haci’e atrabes di informacionnan cu nan ta haya. Bo ta percura pa en todo caso

esnan cu tin problema cu otro, ta wordo separa, ta wordo cera den otro departamento y

tambe atrabes di e programa diario, e ora ta percura pa e personanan aki no topa cu otro.

Pero na mesun momento tambe tin cu agrega, cu e afdeling gedetineerde zorg atrabes di e

psicologonan y trahadonan social cu ta traha eynan y docentenan, ta purba toch di trece e

gruponan aki cerca di otro, pasobra na final di dia, ora cu nan sali for di KIA nan ta bay
topa cu otro bek den nos comunidad. Bo ta tuma medidanan di precaucion di evita, pero

di un otro banda ta purba di sanea e situacion door di inverti den curso, terapia, etc.

Confrontacionnan pisa cu hincamento

Tabata tin confrontacionnan pisa cu hincamento. A mira hende cu pia di cama di nan cel,

gruponan ta forma y busca forma pa bay agredi otro cu ta cera den otro cel. Tjon a splica

cu ta incidentenan cu ta pasa, con ta handl’e atrabes di procesonan. Wak pa e ta mas

waterdicht cu ta posibel. Recien tin e camararoom operacional den KIA, cual ta uno hopi

bon. E ta fungi como extra wowo pa e trahadonan y asina e por dirigi y señala tambe den

un vroegstadium caba, ora un incidente por bay sosode. Atrabes di e camararoom, ya

caba tin cu bisa cu tin diferente incidente a wordo preveni. Sigur sigur e tin su balor

agrega.

Por ehempel contrabanda cu a wordo trata di hinca paden, esey a wordo preveni of gara.

Pero tambe peleanan. Atrabes di e camararoom ta ripara comportacion por ehempel di

detenidonan. Por premira cu algo ta bay sosode. E ora ta manda personal pa evita e tipo

di situacionnan.