Page 36 - AWEMAINTA
P. 36
36 AWEMainta Diabierna, 16 Maart 2018
Pronostico di tempo
Pronostico di tempo pa awe
diabierna 16 di maart 2018
Atencion: un aviso pa boto chikito y biento duro ta na vigor.
Tempo:
Diahuebs anochi tempo lo ta levemente te parcialmente nubla y generalmente seco.
Den marduga tempo lo ta levemente te parcialmente nubla y no ta spera awacero di importancia.
Temperatura maximo lo ta 32 grado celsius y temperatura minimo 26 grado celsius.
Biento: modera te basta fuerte for di direccion oost. Forsa di 4 te 5 (20 te 39 km/ora, 11 te 21 nudo). Den dia biento
lo ta fuerte te duro den rafaga. Forsa 6 te 7 (40 te 61 km/ora, 22 te 33 nudo).
Situacion general di tempo:
Un weer generalmente seco lo keda prevalece den e proximo 24 ora. E diferencianan
di precion di aire den area di Caribe ta menguando poco poco y den curso di fin di siman aki biento lo baha un poco.
Mas aleu por bisa cu stof fini suspende den aire lo sigui limita visibilidad un poco den proximo dia of dos.
Condicion di lama:
Olanan di lama lo ta for di direccion oost cu altura di 5 te localmente 8 pia. E olanan di mas halto lo ta na costanan
oost, noord te noordwest di e isla.
Biento ta keto bay duro y esaki ta hasiendo parti di nos costa bruto.
E avisonan pa boto chikito y biento duro ta keda na vigor pa e motibo aki.
Ocupantenan di boto chikito y usuarionan di lama mester tene esaki na cuenta y procede cu cautela.
E alerta pa biento duro y alerta pa boto chikito probablemente lo wordo cancela den curso di fin di siman benidero.
Temperatura di superficie di laman: 25 grado celsius.
Potencial di awacero pa proximo 24 ora: 1 mm of menos.
Registracion di temperatura (celsius) y awacero (mm) den ultimo 24 ora:
Airport: max 32 / min 26 / 0.0.
Pronostico di tempo pa proximo fin di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte.
Den dia lo ta fuerte te duro den rafaga y temperatura max / min lo ta: 32/25.
