Page 46 - AWEMAINTA
P. 46
46 AWEMainta Diabierna, 16 Maart 2018
Internacional
No menos cu 1 morto y 10 herido
pa colapso di brug peatonal na
Universidad Internacional di Florida
POR lo menos 1 persona a fayece y 10 a re-
sulta herida despues cu un brug peatonal a co-
lapsa na Universidad Internacional di Florida
(FIU) cu ciudad di Sweetwater, segun a keda
confirma pa e alcalde di Miami-Dade, Carlos
Gimenez, y Orlando Morejon, docter di e hos-
pital di Kendall.
“Tin por lo menos un persona cu lamentable-
mente a fayece, (…) nos ta kere cu tin mas vic-
tima bou di e brug”, Gimenez a afirma.
Di su banada, Morejon a duna di conoce cu
“nos a ricibi 10 pacient debi na e colapso di e
brug, un di nan a yega hospital basicamente
morto”.
“Mas di 100 socorista profesional ta trahando
na e zona(...) purbando di haya mas hende na
bida”, segun e hefe di bombero di Miami-Dade,
Dave Downey, a duna di conoce.
E senador Bill Nelson a declara na e cadena
di television CBS cu entre seis y 10 persona a
fayece pa e colapso di e brug.
“Nos sa cu el a cay aproximadamente pa 1.45
di atardi y nos no sa pakiko”, Ralph Ventura,
vocero y hefe di e ‘staff’ di Sweetwater, a sigura
na NTN24.
Imagennan di television a mustra rescatistanan
trhanado pa saca esnan cu tabata atrapa bou di
e brug. Por lo menos ocho auto a keda aplasta
bou di e brug.
E brug a wordo instala 10 di maart ultimo cu e
intencion pa mehora e seguridad di e studian-
tenan cu ta bini for di e ciudad di Sweetwater.
