Page 42 - FDLP
P. 42
“caymannan di Bubali Plas”, a presenta pa asina wak ta ken t’e grupo straño aki cu ta
representa 99 Bar! Guynan manera Calucho Gomez, Errel Tromp, y Robby “Base”
Tromp tabata sinta manera cayman na boc’i riw cla pa hasi victima! Nan a haya refuerso
te asta di un conosido “trancado di wega” di Team 99, kende pa motibonan te aindo no
aclarea, a disidi di bula cura hunga pa Bubali! N’e otro banda tabata tin e grupo di
semper, veteranonan bakia den domino man’e Don Salomon, Tinchi, Chiks, Ronny, y e
conosido Snor Perez!
Shonnan wega no a cuminsa drechi cu’n tabla a bula den 99 Bar & Restaurant, ora cu
nada menos “el teror de Camay” a perde wega tras di wega!! Fuse marca “high temper” a
bula bay off! Aki ta cuenta di lanta foi mesa, duna speech “18+”, subi pickup sali bay
estilo “hala pa mi pasa”!!! Shonnan un palabra di cautela di parti di gerensia di 99 Bar &
Restaurant, si bo ta bin wak wega di domino, para bo auto drechi y netchi como debe ser
den e vaknan designa pa parkeer! No pensa mes di para bo auto tras di auto cu ta parkeer
bon caba, ya cu si ta bo dia di mala suerte, bo ta parkeer tras di un pickup estilo “I don’t
give a damn”! Y pa colmo si su doño haya sota, e ta ranca sali sin wak patras!
