Page 4 - Aruparking

Cliente di DAS su auto a worde getakel y e no tin 150 Florin
pa sake

Publication: Tuesday, 22 September 2015. Categoria: General

Parkeerwachters creando antipatia bao ciudadanonan

ORANJESTAD (AAN): E forma di proceder di e Parkeerwachternan ta creando antipatia bao un
grupo di ciudadano. Tin ciudadano ta simplemente sinti cu nan ta worde gestalk door di e
trahadonan aki cu ta busca tur sorto di manera pa obliga ciudadanonan haci uzo di parkeervak.

Pero tambe tin ciudadano cu a haya problema ora cu nan a bay haci uzo di servicio na
Departamento pa Asuntonan Social y a resulta cu nan auto a worde getakel.

Hannaly Vrieswijk dialuna a acudi na oficina di DAS, den oranan di merdia, pa un cita cu e
tabatin cu un funcionario relaciona cu su asuntonan. El a splica cu e no a mira borchi na entrada
y a staciona dilanti e luga, manera cu el a yega di haci den pasado.

Pa su sorpresa na su salida el a bin constata cu su auto no tabata staciona mas na e lugar unda cu
el a lague. El a bin compronde cu AruParking a takel su auto y el a haya un papel cu ta bisa cu su
auto tin un ora y mey staciona eynan.
E no ta compronde, pasobra el a worde bisa cu ta despues di tres ora ta takel auto. “Riba dje nan
ta cobrami 150 Florin pa saca mi auto. Ami no tin placa pa saca e auto. Mi tin dos yiu di 5 y 7
aña. Mi mester di auto pa hiba e muchanan school y bay mi trabao,” Vrieswijk a duna di conoce.

El a compronde cu DAS tin 30 parkeervak, cual e no tabata sa, y tampoco ta worde bisa cual ta e
vaknan pa clientenan di DAS.

Vrieswijk ta haya e situacion alarmante pasobra e ciudadano no tin luga pa parkeer. Tur cos
mester paga y e no tin placa pa paga cada biaha pa un parkeervak. “Kende ta yudami paga pa
saca e auto,” e ta puntra.

E ciudadano a bisa cu e no sa kico pa haci. E no ta di acuerdo cu e cobramento pa staciona
pasobra no ta tur hende tin e placa henter luna pa paga e luho di por staciona. Ademas, el a
splica, el a acudi na DAS pasobra e ta bou terapia cu trahado social. E ta pidi Gobierno pa bini cu