Page 4 - YMCA JAN 12,2015

Awor FADA cu un sucursal pa duna informacion riba droga
den YMCA na San Nicolas

Saturday, 10 January 2015 11:18
Comparti

Na San Nicolas tabata tin apertura di un otro sucursal di FADA.
Esaki ta den edificio di YMCA na San Nicolas. Durante e ocasion Carlos Albertus cu ta presidente di
FADA a hiba palabra y splica dikon a habri un centro di informacion di FADA na San Nicolas. Carlos
Albertus a splica cu hopi biaha e mayornan no tin e tempo of e transporte pa yena na FADA na Tarabana.
Pesey mes a papia cu YMCA pa cuminsa cu e proyecto piloto cu sosten tambe di CEDE Aruba. Daniel
Tecklenborg ta presidente di CEDE Aruba. Nan tambe tin un rol cu e proceso di e proyecto piloto pa
FADA tin un centro di informacion na YMCA San Nicolas. Carlos Albertus a splica tambe cu a base di
estudio haci a constata cu den cierto area manera Brazil y vecindario tin consumo halto di alcohol y
marihuana entre hobennan. Pesey un centro di informacion caminda e mayornan por trece nan yiu pa
haya informacion ta haci e drempel mas chikito. FADA a gradici YMCA pa por facilita e localidad pa asina
por establece nan mes cu un Centro di Informacion.