Page 23 - ttc feb 11
P. 23
AWEMainta Diahuebs, 11 Februari 2016 23
Aruba lo ta Sede di e prome evento
international organisa pa GLW Foundation
Aruba lo ta riba mapa
mundial p’e prome
eleccion di Miss Teen
Turismo Mundial
Cu ta tuma lugar di dianan
3 pa 10 di April 2016
GLW Foundation organisador di Miss Teen Aruba International,
ta masha orguyoso di por informa e dushi pueblo di Aruba cu
durante un siman nan lo tin representantenan hubenil di dife-
rente parti di mundo riba nos isla p’asina competi p’e corona
di Miss Teen Turismo Mundial cu lo bira un evento anual
riba nos isla cu lo sirbi tambe como promocion pa nos
isla Aruba.
Esaki lo tuma lugar dianan 3 pa 10 di april 2016
Paisnan manera Bonaire, Corsou, Venezu-
ela, Peru, Paraguay, El Salvador, Panama,
Puerto Rico, Rep Dominicana ta paisnan cu
ya a caba a confirma nan participacion den e
bunita evento aki y ainda tin mas pais pa con-
firma, durante henter e siman e candidatanan
lo bishita diferente parti di nos isla.
Y lo conoce un poco di nos historia y cultura y
tambe lo competi den diferente faceta manera un
forum turistico unda nan mester conta di e turismo
di nan isla of pais.
Tambe tin seccion di Trahe di Baño, Trahe
di Gala y tambe e comportacion den henter
e siman.
Pa nos isla Aruba lo participa Marsheline
Kock, kende aña pasa a competi den e certa-
men di Miss Teen Aruba International 2015.
E anochi final mes lo ta diabierna 8 di april
y esaki lo tuma lugar den Cas di Cultura pa
8:30.
Por haci reservacion pa carchi yamando 561-
6151 of manda nos un message riba nos
pagina di Facebook: Miss Teen Turismo
Mundial.
Aruba keda pendiente pa mas detaye di
e certamen Miss Teen Turismo Mundial
2016.
