Page 7 - AHATA
P. 7
Diaranson, 7 April 2021 AWEMainta 17
Mickael Mesker asigna como Assistent Hotel Manager na Boardwalk
Boardwalk Boutique Hotel Aruba a anuncia cu
Mickael Mesker a wordo asigna como Assistent
Hotel Manager, efectivo 1 maart. Den su rol nobo,
Mickael ta supervisa e operacionnan di Front
Desk, maneha e staff di Housekeeping & Main-
tenance y ta asisti e doñonan di hotel, Kimberly
y Stephanie Rooijakkers cu operacionnan diaro di
hotel.
Anteriormente Mickael tabata Executive House-
keeper na Bucuti & Tara Beach Resort y a eher-
ce diferente posicion den e industria hotelero na
Aruba, Corsou y Hulanda p’e ultimo 14 añanan.
Mickael ta un studiante di Colegio Arubano y tin
un Bachelor Degree den Business Administration
pa IHM for di e CHN Universiteit Leeuwarden.
Mickael ta origina for di un famia hotelero y ta tra-
ha den compania maneha pa famia desde su niñez.
“Como un hotel chiquito, maneha pa famia local,
nos ta mira Mickael como e adicion corecto na nos
grupo di trahador uni cu nos tin na Boardwalk
y nos tin tur e confiansa den su abilidadnan di
traha cu personanan y su experiencia di maneho
pa pone un nivel mas halto den nos puntonan di
limpiesa y operacionnan di hotel den su totalidad.
Nos ta desea Mickael hopi exito den su futuro
proyectonan den e famia di Boardwalk”, ta bisa
doño di hotel Kimberly Rooijakkers.
Boardwalk Boutique Hotel Aruba ta un hotel lo-
cal y ta wordo maneha door di famia, consistiendo
di 46 casitas estilo Caribeo estableci entre jardin
nan di e historico mata nan di coco, antes conoci
como Plantage Tromp. Bishitante nan tin acceso
na un lobby espacioso cu servicio di Concierge, dos
pool, un gym cu facilidad nan di spa y yoga, un
area dedica riba Palm Beach y servicio di cumin-
da y bebida di Eduardo’s Beach Shack. Boardwalk
ta clasifica consistentemente e #2 miho hotel na
Aruba y tin un Gold Certificate di TravelLife pa
su operashon nan sustenibel di hotel.
Mas informacion riba www.boardwalkaruba.com
