Page 66 - KPA
P. 66
Caso di Zinnia keto bay no ta hayando su
atencion debido
6 June, 2017
0
Dialuna atardi a tuma luga un manifiesto haci pa e famia di e mucha Zinnia cu a
perde su bida dor di un agente di polis cu a dal’e cu auto y te cu awe nada no a
bin pa dilanti di e caso pa cual e famia no ta contento cu e comportacion di
husticia.
Mama di Zinnia, Michela Croes- Matos a splica cu den e manifestacion nan kier a
wak si nan por a haya ayudo di parti di Parlamento y gobierno, pa nan por yega
na nan carta cu Ministerio Publico te dia di awe, ainda no a duna e famia.
Tabata tin hopi pregunta, y despues di e conferencia di prensa, Sra. Croes-
Matos, a yama Ministerio Publico varios biaha y e contesta tabata semper, otro
siman ta haya e carta. E carta cu nan ta papia di dje, ta pa nan bay Hof cun’e,
caminda cu nan ta sigui bringa e caso di Zinnia. Pero mirando cu nan no a
hay’e, pesey nan a organisa un manifestacion. Awo cu tur hende ta na altura di
kico ta pasando, nan lo por logra haya e carta.
