Page 74 - KPA

Na Pos Chikito a detene dos hoben cu a purba huy despues di
manda auto riba Polis durante control Sabana Basora

Tuesday, 06 June 2017 20:32
Comparti

Diamars atardi laat patruya di San Nicolas a duna un Nissan March color blauw señal pa para. Esaki
tabata pa un control.

E chauffeur no a sigui orden di polis y a sigui manda e auto riba e agente femenino. A start un buskeda pa
e auto y bay topa esaki na e adres Pos Chikito 76H. A bay Matividiri tambe y Pos Abou. Na Pos Chikito
ora a haya e auto e Polisnan a cuminsa un buskeda intensivo mirando cu e auto a ser laga atras den cura
na dicho adres. Un poco mas leu canto dilama patras di e casnan a bin topa cu e dos sospechosonan. Nan
a admiti di a manda e auto riba e polis dor di spanto. Ambos a keda deteni y transporta pa warda di San
Nicolas. E auto tambe a ser tuma den beslag. E cas caminda a haya e duo aki lo ta un familiar di nan ta
bibando. Un di e hobennan mes tabata grita cu e no a dal e Polis. Solamente e intencion di manda auto
riba Polis ta motibo pa detencion. Un familiar a yega basta emocional na e sitio y a cuminsa strobe e
trabou di Polis acercando e sospechosonan. A pidie pa mantene distancia.