Page 10 - HCCA APRIL 17,2015

IBiSA. E actividad aki tabata tin como meta pa e publico bin mira demostración di e diferente
deportenan cu ta wordo practica den e Centrum, pero tambe e publico tabata tin e oportunidad pa
participa na diferente actividad di movecion.
Tabata tin entre otro: demostracion di Basketball (Stealers), Tafel tennis, Judo, Boxing, Dam , Jiu Jitsu y
hisamento di peso. Mester remarca cu desde mainta tambe e diferente school, John Wesely, Abraham de
Veer y Colegio a haci nan deporte enconeccion cu e siman di movecion . Mas atardi instructora Haydee a
duna un “warm up” di Zumba pa asina después sigui cu un coremento y caminata di 5 km cu un
participación alrededor di 250 participante cu a pasa riba e “San Nicolas Linear Sidewalk”. No por lubida
nos Dj Mobil Eddy cu a entretene e publico di atradi te anochi. E Bus di Salud tambe tabata presente
unda comunidad por a hasi nan testnan gratis. Na fin di e actividad tabata tin un sorteo di un gran
cantidad di premio cu a rifa entre tur esnan cu a participa den e caminata y careda. E organisadornan,
encabesa pa e studiantenan di IPA (futuro jufrouwnan di school) Lisa Ras y Graciella Brewster, hunto cu
e team di Sport Centrum San Nicolas IBiSA ta gradici tur esnan cu na un manera of otro a contribui pa e
evento aki bira un exito. Tambe Fundacion “Movicion ta Bida” kende a yuda cu t-shirts pa e
participantenan. E coachnan y studiantenan cu a forma parti di e programa y no por lubida Aruba Boot
Camp y e participantenan den caminata/careda di 5 Km. Tambe nos kier a duna un danki special na tur
nos sponsor di San Nicolas cu a contribui cu premionan saludabel pa rifa entre e participantenan.
Manera Subway, KFC, Burger King, Patrice, Giordano, O’Neil Caribbean Cuisine y Nelo’s Take Away.