Page 34 - KPA 17Jan'15
P. 34
Macamba ta sali burachi di Cas Casuela causa desgracia y
hera mata pareha riba scooter
Friday, 16 January 2015 21:24
Comparti
Diabierna anochi a sosode un accidente. Polis a wordo informa pa bai pura banda di Cas Casuela pasobra
tin un accidente cu hendenan benta riba caminda. Den un rato e prome unidad di trafico a yega na e sitio.
A bin topa cu un hoben cu tabata cu su pareha riba scooter bayendo direccion Rotonde di Tanki
Leendert. Na caminda un homber macamba a sali mal burachi di Cas Casuela. El a subi caminda pa cruza
sin mira trafico. E scooter a purba evita pero envano. A dal e Macamba lage herida y e manehador di
scooter cu pia fractura. E dama riba e scooter a haya sla na su boca y nanishi pero no tabata grave. Polis a
pidi pa ambulance. Dos ambulance a yega na e sitio. Polis no tabata tin e situacion facil y tampoco
personal di ambulance pasobra mas macamba burachi a sali for di Cas Casuela y causa problema
strobando trabou. Finalmente a hiba ambos victima pa hospital den dos diferente ambulance. E dama
levemente herida a yama famia bin buske.
