Page 10 - MIN.SJA DEC 15,2014

Minister Paul Croes: 50 aña SVGA ta un momento
importante

Sunday, 14 Decem ber 2014 17:58
Comparti

Stichting Verstandelijk Gehandicapten Aruba (SVGA) a celebra diabierna 12 di December 2014, 50
anniversario. Pa e ocasion aki Minister Paul Croes di asuntonan Social, Hubentud y Labor a bisa cu e
meta di su maneho ta keda consistente.
"Mas Inclusion, menos discriminacion, esaki ta e meta final. Personanan cu limitacion mester por haya e
oportunidad di desaroya nan mes lo mas posible. Organisacionan manera SVGA ta un di e partnernan cu
ta apoya gobierno den esaki. Brindando cuido y apoyo na personanan cu limitacion mental y fisico na
Aruba”.
Minister Paul Croes kier tuma e oportunidad pa felicita SVGA cu e anniversario y celebracion di oro aki.
E balor di SVGA ta igual na oro den nos comunidad. Minister Paul Croes kier logra un re-integracion riba
e mercado laboral di un cantidad di 10% di personanan cu limitacion. Esaki Minister Croes ta hasi hunto
cu partnernan manera SVGA, Sonrisa, Funari, Trampolin pa Trabou, FAVI, FEPO, Cede Aruba,
Departamentonan di Gobierno y tambe cu sector priva y comercio. Pabien SVGA cu un celebracion
importante pa henter nos sociedad.
Alabes Minister Paul Croes a menciona cu na 2015 lo tin algun cambionan den ley cu lo wordo proponi
na Parlamento di Aruba, pa asina apoya e proceso di integracion mas ainda.

http://www.24ora.com/politica-mainmenu-18/89720-minister-paul-croes-50-ana-svga-ta-un-momento-
importante