Page 13 - AM210925

Diasabra, 25 September 2021 AWEMainta.com 13
Siman di actividad di Housekeeping na La Cabana

Beach Resort & Casino pa expresa gratitud y aprecio

Den conexión cu Siman Internacional di
Housekeeping, 12 di september te cu 19 di
september, La Cabana Beach Resort & Casino
a celebra su gran empleado y heroenan cu ta

traha patras di cortina.

E festividadnan a cuminsa dialuna cu un
tremendo desayuno festivo den e ballroom.
Den e programa, palabranan caluroso di
aprecio y inspiracion a wordo comparti por
medio di Executive Housekeeper, Gisella
Pallares, Assistant General Manager Jessica
Franken y Director di Recursonan Humano

Tessely Koolman.

E siguiente dia, e team di housekeeping a wordo
brinda un dushi BBQ Lunch den e ballroom,
di cual e team di Food & Beverage a prepara,
honorando nan coleganan profesional.

Diaranson a habri cu un atardi di Karaoke, un
evento social, na unda miembronan di team
por a mustra nan talentonan den cantamento
den comunidad. Tambe purbando nan
pianan di lama, e team di housekeeping a
pasa tremendo riba diabierna su Catamaran
Sunset Trail, tumando potretnan memorabel,
bonding riba lama, mientras cu nan a sail
pasa Eagle Beach y nan resort. Aruba a mustra

asina hopi bunita for di e bista di awa.

E siman di housekeeping a culmina
cu un salida fantastico na P.F. Chang’s
China Bistro na unda cu supervisors di
housekeeping y e team di maneho di e
resort a disfruta di un excelente cena.

E siman a genera hopi sonrisa y bon deseonan,
reconociendo tur e contribucionnan
importante haci por medio di e Departamento
di Housekeeping.