Page 6 - AM210925
P. 6
6 AWEMainta .com Diasabra, 25 September 2021
Grupo di Bulgaria y un persona di Santo Domingo
aresta den supuesto skimming fraud
Diahuebs anochi poco laat den careda di 10’or,
autoridad den e caso aki Departamento di Crimen
Organisa tabata vigila un grupo di stranhero.
Pa algun dia Recherchenan tabatin bista y of
informacion di e grupo aki relaciona cu skimming.
Ta trata di tres persona procedente di Bulgarije y
un persona di nacionalidad Dominicano. Segun
informacion, e ultimo aki a wordo deteni den oranan
di atardi. Mientras cu e otro tresnan a ser aresta na
un adres den Madiki den oranan di anochi.
Por a mira cu Polisnan a haya y a confisca artefactonan
cu posiblemente tin di haber cu skimming. Un
Nissan Versa color blauw staciona pafo di cas a
wordo listra y por a mira cu Recherchenan tabata
mira tur recibo cu nan por a haya den e auto. Tur
esnan deteni a wordo transporta pa Wardanan di
Polis separa mas cu claro.
Pa locual t’e vehiculo esaki tambe a wordo confisca
pa mas investigacion y cu takelwagen hiba un warda
unda cu si ta bon nan lo sigui listra den dje.
ABA
Den cooperacion entre banconan, atrabes di ABA
Security Committee hunto cu Cuerpo Policial a
logra detene y resolve un caso di un banda criminal
internacional cu a bin haci “skimming” aki na
Aruba. ABA ta enfatisa cu tur banco ta traha den
bon colaboracion cu otro pa proteha tur nan cliente
y nos comunidad en general atraves di e Aruba
Bankers Association Security Committee.
