Page 10 - UTILITIES MRT 24

AWEMainta Diamars, 24 Maart 2015 9

Dos persona den Board di Supervision di WEB ta liga na Ecogas

Remarcabel ta cu den e Board di Supervision di WEB tin dos persona cu ta liga directamente cu Ecogas.
Ta trata aki di Presidente di e Board, sr. John Every, kende ta supervisory director di Metacorp, cu
t’e compania cu ta maneha Ecogas.
Banda di esaki tin miembro di e Board di Supervision, sr. Rick Timmer, kende ta fungi como man-
aging director di Ecogas y alabes ta supervisory director tambe di Metacorp.

Conflicto di interes evidente

Mirando cu t’e Board di Supervision t’esun cu na WEB ta responsabel pa tuma decicion riba
inversionnan miyonario na WEB, nos ta puntra nos mes con bin cu Utilities a permiti e
conflicto di interes aki den WEB. Pasobra con por ta posibel cu e mesun managing
directors di Ecogas ta tuma decicion na WEB riba un contract di WEB cu e mesun
compania aki? Esaki no por!, segun Xiomara Ruiz Maduro.
Den cualkier compania normal, no por existi un conflicto di interes obvio asina.
Peor den un compania estatal cu ta encarga cu un trabou na bien-
estar di pueblo, no por permiti cu esnan cu mester supervisa
ta liga di e forma directo aki cu un compania priva cu ta
haci negoshi cu WEB. E cos aki no ta etico y ta contra
tur regla di bon gobernacion.

Pueblo mester haya un mihor splicacion

E conflicto di interes aki mester wordo investiga,
pasobra pueblo merece haya un mihor splicacion.
Pa cu esaki MEP den oposicion ta bay pidi un
reunion publico cu Minister Mike de Meza p’e
responsabilisa su mes na pueblo, segun Xiomara
Ruiz Maduro.